Հմայիչ մարդիկ հազվադեպ են հիվանդանում. 1in.am

Հմայիչ մարդիկ ավելի քիչ են տառապում ականջների աղմուկով, ասթմայով, շաքարախտով, արյան բարձր ճնշմամբ և այլ հիվանդություններով, հաղորդում են Ցինցինատիի համալսարանի ամերիկացի հետազոտողները:

Ինչքան հմայիչ են մարդիկ, այնքան քիչ հավանական է, որ նրանք կտառապեն խոլեստերինի բարձր մակարդակից և ընկճախտից` դեպրեսիայից: Նրանք իրենք իրենց ավելի առողջ են զգում, ինչպես նաև նրանց մոտ ամբողջ կյանքի ընթացքում ավելի քիչ են ախտորոշվում ֆիզիկական և հոգեկան հիվանդություններ:

Այս արդյունքները ամերիկացի գիտնականները ստացել են 10 տարիների ընթացքում՝ ուսումնասիրելով 24-35 տարեկան 15 հազար կանանց և տղամարդկանց, տեղեկացնում է Healthvesti-ն:

Գիտնականների կարծիքով՝ գրավչությունը կարող է կապված լինել գեների հետ, որոնք որոշում են առողջական լավ ցուցանիշները և ավելացնում են առողջ սերունդ տալու հավանականությունը:

Հարցեր, պատասխաններ, մեկնաբանություններ